"Qəbələ" futbol klubunun sabiq baş məşqçisi Yuri Syomin yeni komandasının adını açıqlayıb. Sportnet.az-ın məlumatına görə, təcrübəli mütəxəssis "Anji" ilə razılığın əldə olunduğunu bildirib.
O deyib: "Hazırda mən istirahətdəyəm. "Anji" ilə razılıq əldə olunub. Hər şeyin rəsmən elan olunmasındansa bu, əsasdır".
Qeyd edək ki, Yuri Syomin 2013-2014-cü il mövsümündə "Qəbələ"nin baş məşqçisi olub. O, ötən mövsümü Rusiya "Mordoviya"sında keçirib. "Anji" isə Premyer Liqaya vəsiqə qazandıqdan sonra Sergey Taşuyevlə yollarını ayırıb.
