Son mövsümü titulsuz başa vuran "Neftçi" klubu yeni mövsümün hazırlıqlarına start verir. Sportnet.az-ın məlumatına görə, bu barədə klubun rəsmi facebook səhifəsi xəbər verib.
Paytaxt klubu təlim-məşq toplanışı üçün Avstriyanı seçib. Artıq "Neftçi" bu ölkəyə yola düşüb.
"Ağ qaralar" təlim məşq toplanışı çərçivəsində Albaniya və Rumıniya təmsilçiləri ilə qarşılaşacaq. İlk yoxlama matçı iyunun 21-də baş tutacaq. 3 gün sonra isə rumınlarla görüş keçiriləcək.
Qeyd edək ki, iyunun 27-də Samir Əliyevin komandasını Ukraynanın "Şaxtyor" (Donetsk) klubu ilə yoxlama görüşü gözləyir.
