"Bakı 2015" I Avropa Oyunlarında boks üzrə yarımfinal döyüşlərinə start verilib. Sportnet.az-ın məlumatına görə, Azərbaycan təmsilçilərindən ilk olaraq, 60 kq çəkidəki Tayfur Əliyev rinqə çıxıb.
Onun rəqibi rusiyalı Baxtovar Nazirov olub. Döyüş Nazirovun qələbəsi ilə yekunlaşıb - 3:0. Bununla da Əliyev bürünc medalı rəsmiləşdirib. Bu, Azərbaycanın "Bakı 2015"də 40-cı medalı olub.
Ardından 81 kq çəkidə yer alan Teymur Məmmədov rinqə çıxıb. Onun rəqibi daha bir rusiyalı Pavel Silyagin olub. İlk raundda Məmmədov üstün olub. Növbəti raundda da hakimlər qələbəni təmsilçimizə verib. Üçüncü raund da boksçumuzun tərəfində olub. Beləliklə, Teymur Məmmədov 3:0 hesablı qələbə ilə finala yüksələrək, ən azı gümüş medalı təmin edib. Həlledici qarşılaşmada rəqib italiyalı Valentino Manfredoniya olacaq.
Ardından 81 kq çəkidə yer alan Teymur Məmmədov rinqə çıxıb. Onun rəqibi daha bir rusiyalı Pavel Silyagin olub. İlk raundda Məmmədov üstün olub. Növbəti raundda da hakimlər qələbəni təmsilçimizə verib. Üçüncü raund da boksçumuzun tərəfində olub. Beləliklə, Teymur Məmmədov 3:0 hesablı qələbə ilə finala yüksələrək, ən azı gümüş medalı təmin edib. Həlledici qarşılaşmada rəqib italiyalı Valentino Manfredoniya olacaq.
