"Neftçi"nin sabiq qapıçısı Saşa Stamenkoviç 2011-ci ildən birgə yaşadığı müğənni Silviya Nedelkoviçlə sentyabrda evlənəcək. Sportnet.az-ın "alo.rs" nəşrinə istinadən məlumatına görə, mərasim Serbiyanın paytaxtı Belqraddakı restoranların birində keçiriləcək.
Nedelkoviç "Qrand" qrupunun solisti olsa da, uzun müddət səhnədən uzaq qalıb. O, Stamenkoviçlə birgə Bakıda yaşayıb. Hazırda isə cütlük Belqraddadır və toya hazırlaşır. Nikahdan sonra Silviya mahnı yazaraq, səhnəyə qayıtmağı düşünür.
Qeyd edək ki, Saşa Stamenkoviç "Neftçi" ilə ötən ay vidalaşıb.
