Uruqvay 1/8 finalda, İngiltərə mundialı qələbəsiz tərk etdi - YENİLƏNİB

Bu axşam və gecə DÇ-2014-də daha 4 qarşılaşma baş tutacaq. Sportnet.az-ın məlumatına görə, turnirin 13-cü oyun günü C və D qruplarının iştirakçıları mübarizə aparacaqlar.

Günün ilk matçında İtaliya və Uruqvay yığmaları, eyni zamanda Kosta-Rika ilə İngiltərə kollektivləri üz-üzə gələcəklər. Daha sonra Yaponiya və Kolumbiya, habelə Yunanıstan və Meksika milliləri qarşılaşacaqlar.

Qeyd edək ki, C qrupunda çıxış edən Kolumbiya yığması ilk 2 turda mütləq nəticə göstərərək, son oyunun nəticəsindən asılı olmayaraq, adını 1/8 finalçılar sırasına daxil edə bilib.

Eyni sözlər D qrupunun vahid lideri Kosta-Rika komandasına da aiddir. Keçirdiyi hər 2 oyunda qələbə qazanaraq, xal ehtiyatını 6-ya yüksəldən şimali amerikalılar mundial öncəsi potensial qrup autsayderi kimi dəyərləndirilsələr də, son tur öncəsi İtaliya və Uruqvayın hələ ki, bacarmadığı, İngiltərənin isə artıq bacara bilməyəcəyini həyata keçirib.

Sportnet.az saytı ənənəsinə sadiq qalaraq, hər 4 oyundan canlı reportaj təqdim edəcək. 

 

  

21:00. D qrupu. İtaliya – Uruqvay 0:1
Qol: Dieqo Qodin, 81.

Baş hakim: Marko Rodriges (Meksika)

Natal şəhəri. "Arena das Dunas” stadionu.

 

Start heyətlər

İtaliya: 1.Canluici Buffon, 2. De Şilyo (sarı vərəqə-77), 3. Corcio Kyellini, 4. Darmian, 8. Klaudio Markizio (qırmızı vərəqə-59), 9. Mario Balotelli (18. Parolo-46, sarı vərəqə-22), 17. Çiro İmmobile (10. Kassano-71), 19. Kristian Bonucci, 23. Marko Veratti (5. Motta-75), 15. Bartsalyi, 21. Andrea Pirlo

Uruqvay: 1. Fernando Muslera (90+1), 3. Dieqo Qodin, 6. Alvaro Pereyra (11. Stuani-63), 7. Kristian Rodriqez (18. Ramires-78), 9. Luis Suares, 13. Raul Ximenez, 14. Nikolas Lodeyro (16. Maksi Pereyra-46), 17. Arevalo Rios (sarı vərəqə-46), 20. Alvaro Qonzalez, 21. Edinson Kavani, 22. Martin Kakeres

Matçöncəsi maraqlı məqamlar 

- İtalyanın İngiltərə matçında 93% dəqiq ğtürmə statistikası tarixlərində rekord idi.

- İtaliya Kosta Rika matçına qədər 4 oyundu məğlub olmurdu. Son 10 matçda isə yalnız bir dəfə İspaniyaya məğlub olmuşdular.

- Uruqvay daha əvvəl Cənubi Amerikada 1950-ci ildə iki Avropa təmsilçisi ilə qarşılaşıb. İspanlarla 2:2 bərabərə qalan Amerika təmsilçisi İsveçi 3:2 məğlub edib.

Matç başlayır.

5-ci dəq. Matç olduqca sərt başlayıb. Oyun qayda pozuntularına görə, tez-tez dayanır.
8-ci dəq. Suaresin sol cinahdan təhlükəli asmasını Buffon yumruqlarıyla uzaqlaşdırır.
12-ci dəq. Pirlonun cərimə zərbəsi təhlükəli alınır, Muslera topu çıxarır.
19-cu dəq. De Şilyonun sol cinahdan ötürməsinə İmmobile vurmamış, müdafiə ayaq qoyur.
22-ci dəq. Balotelli sarı vərəqə alır. İtaliya növbəti mərhələyə keçərsə, o, oyunu buraxacaq.
27-ci dəq. Barzaqlinin zərbəsini müdafiə qarşılayır.
29-cu dəq. İmmobile qapı önündə rahat epizodda topa istədiyi kimi vura bilmir.
33-cü dəq. Oyunda ilk real qol epizodu. Buffon ardıcıl iki epizodda qola imkan vermir.
37-ci dəq. Matçda tem olduqca aşağı səviyyədədir.
42-ci dəq. Sarı vərəqəsi olan Balotelli topa əllə müdaxilə edir. Hakim hücumçunu bağışlayır.
45+2-ci dəq. İlk hissə başa çatır.

Fasilə

Birinci hissənin statistikası 

İtaliya                              Uruqvay

58%     Topa nəzarət         42%

1           Küncdən zərbə       1

1           Of-sayd                    1

13         Qayda pozuntusu  11
1           Sarı vərəqə              0 

0           Qırmızı vərəqə         0

İkinci hissə başlayır.

46-cı dəq. Balotellini Parolo əvəz edir.
46-cı dəq. Uruqvayda Lodeyronu Pereyra əvəz edir.
46-cı dəq. Uruqvayda Rios sarı vərəqə alır.
50-ci dəq. De Şilyonun soldan ötürməsini müdafiə qarşılayır.
51-ci dəq. Cərimə meydançasında yıxılan Kavani penalti etirazları edir.
58-ci dəq. Rodriqes sol cinahdan hesabı açmağa yaxın olur, zərbə dəqiq olmur.
81-ci dəq. 59-cu dəq. Qırmızı vərəqə. İtaliyalı Markizio kobudluğa görə birbaşa meydandan qovulur.
63-cü dəq. Uruqvayda müdafiəçi Pereyranı hücumçu Stuani əvəz edir.
66-cı dəq. Suares qapıçı ilə təkbətək çıxır, oyunçunun zərbəsini Buffon ustalıqla çıxarır.
68-ci dəq. Pirlonun əla ötürməsindən sonra İmmobilenin zərbəsi müdafiəyə dəyib istiqamətini dəyişir.
71-ci dəq. İmmobileni Antonio Kassano əvəz edir.
73-cü dəq. Verratti zədələnir və futbolçunun yerdə qalması uzun vaxt aparır. Uruqvay buna etiraz edir.
75-ci dəq. Tiaqo Motta Verrattini əvəz edir.
77-ci dəq. De Şilio sarı vərəqə alır.
78-ci dəq. Rodriqesi qaston Ramires əvəz edir.
80-ci dəq. Futbolda dişləmə hərəkəti ilə məşhur olan Suares bu dəfə də Kyellinini dişləyir. Oyunçular arasında mübahisə var.
QOOOOOOL! Kapitan Qodin künc zərbəsi zamanı komandasını önə keçirir.
86-cı dəq. İtaliya hesabı bərabərləşdirmək üçün yüklənir.
90-cı dəq. Əsas vaxta 5 dəqiqə əlavə olunur.
90+1-ci dəq. Muslera vaxtı yubatdığına görə sarı vərəqə alır.
90+5-ci dəq. Final fiti. İtaliya çox çalışsa da, bərabərlik qolunu vura bilmir və mundialı tərk edir.

Oyunun statistikası 

İtaliya                              Uruqvay

45%     Topa nəzarət         55%

3           Küncdən zərbə       3

3           Of-sayd                    1

19         Qayda pozuntusu  20
2           Sarı vərəqə              2

1           Qırmızı vərəqə         0

Matçın oyunçusu: Canluici Buffon (İtaliya)

 

 

Baş hakim: Camel Haimudi (Əlcəzair)

Belu-Orizonti şəhəri. "Mineyrao” stadionu.

Start heyətlər 

Kosta Rika: 1.Navas, 3. Qonsales (sarı vərəqə-60), 5. Borqes (11. Barrantes-78), 6. Duarte, 9. Kempbell (21. Urena-65), 10. Ruis 14. Rendal Brenes (7. Bolanos-59), 15. Dias, 16. Qamboa, 17. Texeda, 14. Miller.

İngltərə: 13. Foster, 5. Qari Keyhill, 7. Cek Uilşir (4. Cerrard-72), 8. Frenk Lempard, 12. Kris Smollinq, 16. Fil Cons, 17. Ceyms Milner (10. Runi-76), 23. Luk Şou, 9. Daniel Starric, 20. Adam Lallana (19. Sterlinq-62, sarı vərəqə-57), 21. Ross Barkley (sarı vərəqə-53)

Matçöncəsi maraqlı məqamlar 

- Kosta Rika tarixində yalnız bir dəfə pley-offa çıxa bilib. Bu DÇ-1990-a təsadüf etmişdi.

- Kosta Rika son oynadığı 11 matçda 5 məğlubiyyət, 4 qələbə, 2 heç-heçə ilə yadda qalıb.

- 10 ildən çoxdu İngiltərənin şərəfini qoruyan Ueyn Runi yalnız Uruqvayla matçda DÇ-lərdə ilk qolunu vurmağı bacarmışdı.

Matç başlayır.
2-ci dəq. Kempelin zərbəsi Keyhilə dəyib kənara çıxır.
7-ci dəq. Diaz sol cinahdan cərimə meydançasına girməyə çalışır, onun qarşısını kobudluqla kəsirlər.
10-cu dəq. Hələ ki, komandalardan üstün olan tərəf yoxdur. Kosta Rika qrupdan çıxmasına baxmayaraq, oyuna istəkli başlayıb.
12-ci dəq. Starricin zərbəsi təhlükəli alınır, top qapıdan azca aralı keçir.
18-ci dəq. Starricdən daha bir zərbə, bu dəfə də dəqiqlik çatışmır.
23-cü dəq. Borqesin cərimə zərbəsi, Fosterin müdaxiləsindən sonra top dirəyə də dəyərək meydanı tərk edir.
27-ci dəq. Starric topa vurmaq istəyərkən, Navas onu yıxır. Futbolçu penlalti etirazı var.
33-cü dəq. Oyunda zəif temp davam edir. 
35-ci dəq. İngiltərə qola yaxın olur, Barkleyin ötürməsini Starric qola çevirə bilmir.
40-cı dəq. Kosta Rika topu özündə saxlamaqla fasiləyə bu hesabla yollanmaq istəyir.
42-ci dəq. Barkleyin zərbəsi qeyri-dəqiq olur.
45+1-ci dəq. İlk hissə başa çatır.
Fasilə

Birinci hissənin statistikası 

Kosta Rika                     İngiltərə

51%     Topa nəzarət         49%

2           Küncdən zərbə      3

3           Of-sayd                    1

7          Qayda pozuntusu    7
1           Sarı vərəqə              0 

0           Qırmızı vərəqə         0

İkinci hissə başlayır.
50-ci dəq. Hissə olduqca sakit tempdə başlayıb. Komandalar matçın formal xarakter daşıdığını qəbul edirlər.
53-cü dəq. Barkley sarı vərəqə alır.
57-ci dəq. Daha bir sarı vərəqə. Lallana cəzalanır.
59-cu dəq. "Xəzər Lənkəran"ın sabiq futbolçusu Brenes əvəzlənir. Kristian Bolanos meydana çıxır.
60-cı dəq. Cinakaolo Qonzalez sarı vərəqə alır.
62-ci dəq. Bolanosun zərbəsini Foster dəf edir.
62-ci dəq. Lallananı Rahem Sterlinq əvəzləyir.
64-cü dəq. Starric daha bir qol imkanını boşa verir. Hücumçu yaxın məsafədən topu çölə göndərir.
66-cı dəq. Kosta Rikada Kempeli Urenya əvəz edir.
70-ci dəq. 70 dəqiqənin tamamında hələ də matç zəif tempdə davam edir.
73-cü dəq. Uilşerin əvəzinə Stiven Cerrard meydana çıxır.
76-cı dəq. Milneri Ueyn Runi əvəzləyir.
78-ci dəq. Kosta Rikada Borqesi Barrantos Rohas əvəz edir.
79-cu dəq. Runinin zərbəsini Navas çıxarır.
86-cı dəq. Son dəqiqələrdə temp daha da aşağı düşüb.
90-cı dəq. Əsas vaxta 3 dəqiqə əlavə olunur.
90+3-cü dəq. Matç qolsuz heç-heçə ilə bitir, Kosta Rika qrupdan lider kimi çıxır. İngiltərə mundialı qələbəsiz tərk edir.

 

Oyunun statistikası 

Kosta Rika                     İngiltərə

47%     Topa nəzarət        53%

3           Küncdən zərbə      7

3           Of-sayd                    1

17      Qayda pozuntusu    17
1           Sarı vərəqə              2
0           Qırmızı vərəqə        0

Matçın oyunçusu: Keylor Navas (Kosta Rika)

 

 

D qrupu
		O	Q	Н	M	T/F	X
1	Kosta-Rika	3	2	1	0	4 - 1	7
2	Uruqvay	3	2	0	1	3 - 2	6
3	İtaliya	3	1	0	2	3 - 5	3
4	İngiltərə	3	0	1	2	2 - 4	1