DÇ-2014-də 1/8 final mərhələsinin daha 2 cütlüyü müəyyənləşib. Sportnet.az-ın məlumatına görə, növbəti mərhələdə Kosta Rika Yunanıstanı, Kolumbiya isə Uruqvayı sınağa çəkəcək.
Kolumbiya C qrupunu 9 xalla, Kosta Rika D qrupunu 7 xalla lider kimi tamamlayıb. Yunanıstan və Uruqvay isə bu qrupları müvafiq olaraq, 4 xal və 6 xalla başa vurublar. İyunun 29-da Bakı vaxtı ilə gecə saat 1:00-da Kolumbiya - Uruqvay, iyunun 30-da eyni saatda Kosta Rika - Yunanıstan qarşılaşmaları keçiriləcək.
Qeyd edək ki, daha öncə A qrupunun lideri Braziliyanın B qrupunun 2-cisi Çili ilə iyunun 28-də, B qrupunun lideri Hollandiyanın isə A qrupunun ikincisi Meksika ilə iyunun 29-da üz-üzə gələcəkləri müəyyənləşib. Hər iki matç saat 21:00-da başlanacaq.
