2022-ci il Qış Olimpiya Oyunları Çinin paytaxtı Pekində keçiriləcək. Sportnet.az xəbər verir ki, bu, Beynəlxalq Olimpiya Komitəsinin Malayziyanın paytaxtı Kuala Lumpurda keçirilən 128-ci Sessiyasındakı səsvermə nəticəsində məlum olub.
Pekin həm Qış, həm də Yay Olimpiya Oyunları keçirən ilk şəhər kimi tarixə düşüb. Daha öncə 2008-ci il yay olimpiadası Çinin paytaxtında təşkil olunub. Olimpiada-2022-yə Qazaxıstanın paytaxtı Almatı da namizəd idi.
Sessiyada 2020-ci il Yeniyetmələrin Qış Olimpiya Oyunlarının təşkilatçısı da müəyyənləşib. Bu, İsveçrənin Lozanna şəhəridir. Lozanna seçkidə Rumıniyanın Braşov şəhərindən üstün olub və ilk dəfə olimpiada təşkil etmək hüququna yiyələnib.
