"Mən "Xəzər Lənkəran"ın baş məşqçi postundan istefa verməmişəm. Hələ də komandanın sükanı arxasındayam". Sportnet.az-ın məlumatına görə, bunu "Anadolu" agentliyinə açıqlamasında Mustafa Dənizli deyib.
Türkiyəli mütəxəssis bildirib ki, klub prezidenti Mais Mənsimovla görüləcək işlərə dair fikir ayrılıqlarının olduğu doğrudur. Amma istefa ilə nəticələnən durum yoxdur.
Dənizli gələn həftə "Xəzər Lənkəran" rəhbərliyi ilə bir araya gələcəyini də əlavə edib: "Hazırda İstanbuldayam. Amma gələn həftə Bakıya gedərək, klub rəsmiləri ilə görüşəcəyəm. Perspektiv planlara uyğun çalışmalar da həmin görüşdə dəqiqləşəcək. Klub prezidenti ilə mənim bəzi məsələlərdə fikir ayrılığı yaşamağımız təbiidir".
Qeyd edək ki, bu gün "Xəzər Lənkəran"ın rəsmi saytı Mustafa Dənizlinin qarşılıqlı razılıq əsasında istefaya göndərildiyini yazıb.
Qeyd edək ki, bu gün "Xəzər Lənkəran"ın rəsmi saytı Mustafa Dənizlinin qarşılıqlı razılıq əsasında istefaya göndərildiyini yazıb.
