"Sumqayıt”
klubu ilə gözlənilməz şəkildə yollarını ayrılan Ruslan Poladovun müsahibəsi.
-"Sumqayıt”la yollarınızı ayırmağınızın səbəblərini öyrənmək istərdik...
-Gəlin,
bu məsələyə bir neçə gündən sonra qayıdaq, söhbət edək.
-Yaxın günlərdə də söhbət edə bilərik. Amma Sizin özünüzdən informasiyanın təsdiqini almaq istərdik. Bizdə olan məlumata görə, "Simurq”la anlaşmısınız...
-Xeyr, hələ heç bir klubla müqavilə
imzalamamışam.
-Bəs nə baş verdi ki, hələ müqavilə qüvvəyə minmədən, "Sumqayıt”la yollarınızı ayırdınız?
-Bu,
iki klubun arasında razılaşmaya əsasən baş verib.
-İki klub dedikdə, "Simurq”un "Sumqayıt”a müraciət edərək, Sizi sıralarında görmək istədiyini nəzərdə tutrsunuz?
-Xırdalıqlara
varmaq istəmirəm. 2-3 gün ərzində bu barədə söhbət edərik. Hələ dəqiq bilmirəm,
Zaqatala klubuna keçəcəm, ya yox.
-Ancaq "Sumqayıt”dan təsdiq ediblər ki, yollarınızı ayırmısınız...
-Bir
halda ki, təsdiq ediblər, deməli, səbəblərini də deyə bilərlər.
-Xeyr, o hissəsini yəqin ki, Sizin öhdənizə buraxıblar...
-Ona
görə də deyirəm ki, 2-3 gün səbr edin, sonra ətraflı danışarıq. Axı "Simurq”la
hələ müqavilə imzalamamışam.
-Hansı kluba keçəcəyinizi qoyaq bir kənara. Ancaq yenicə müqavilə imzaladığınız "Sumqayıt”dan ayrılmağınız birmənalı qarşılana bilməz. Bu, "Sumqayıt”ın qeyri-peşəkarlığından xəbər verir, yoxsa daha cəlbedici təklif almağınızdan?
-Xeyr, "Sumaqayıt”la bağlı heç bir problem
yoxdur ki, qeyri-peşəkarlıqdan danışaq.
-Yəqin razılaşarsınız ki, qeyri-adi hal yaşandı. Axı klubla müqavilə bağlayıb, anlaşma heç hələ qüvvəyə minmədən ordan ayrılmaq hallarına rast gəlmək, demək olar ki, mümkünsüzdür...
-İndi
demək istəmirəm. Yaxın 2-3 gündə səbəbləri açıqlayaram. Bu gün deyə bilmirəmsə,
bir neçə gündən sonra yəqin ki, açıqlaya biləcəm.
-Yəni "Sumqayıt”dan hər hansı bir qalmaqalla ayrılmamısınız?
-Bu
klubla ayrılmağımda onlarlıq heç bir söhbət yoxdur. Ortada özümlə bağlı xırda
nüanslar var ki, bu barədə də 2-3 günə danışaram.
-Belə çıxır ki, daha cəlbedici təklif almısınız?
-"Simurq”
rəhbərliyi "Sumqayıt”a müraciət edib ki, Ruslan Poladov hələ bizim oyunçudur və
onu geri qaytarmaq istərdik. İki klubun
rəhbərliyi arasında belə bir söhbət olub və ilkin razılıq əldə edilib. Necə
qayıdır, nə səbəbdən qayıdır və bu tipli suallardan xeyli yeni sual doğacaq.
Yaxın günlərdə bütün suallara aydınlıq gətirəcəyəm.
Ceyhun ƏLİYEV
