Bu gün futbol üzrə Azərbaycan Premyer Liqasının VI turuna start veriləcək. Sportnet.az-ın məlumatına görə, turun ilk oyun günündə iki qarşılaşma baş tutacaq.
Əvvəlcə "İnter" - "Kəpəz" matçı start götürəcək. Komandalar "İnter Arena"da üz-üzə gələcəklər. Paytaxt təmsilçisi qələbə sayəsində iddiaçılar sırasındakı mövqeyini möhkəmləndirəcəksə, gəncəlilər ən yaxşı halda aktivində 8 xal olan "Neftçi" ilə xallarını bərabərləşdirəcək. İki komanda arasındakı son 3 qarşılaşmada "İnter" qalib gəlib. "Kəpəz" isə 5 oyundur qələbə qazana bilmir. Paytaxt təmsilçisi tarixi ərzində evdə gəncəlilərə uduzmayıb.
"Rəvan" isə doğma azarkeşlər önündə "Qəbələ"ni qəbul edəcək. "Qırmızı-qaralar" üçün 3 xal ilk üçlükdə möhkəmlənmək və Avropa Liqasının qrup mərhələsində "Krasnodar" (Rusiya) səfəri öncəsi motivasiya olacaqsa, "Rəvan" qələbə sayəsində sonuncu pillələrdən xilas ola bilər. Hərçənd, paytaxt komandası son 5 qarşılaşmada "Qəbələ"yə qalib gələ bilməyib. "Qırmızı-qaralar" isə səfərdəki bütün matçlarda qələbə qazanıb.
25 sentyabr
19:00. "İnter" - "Kəpəz" - 1:0
Qol: Dieqo Martins, 53
Qırmızı vərəqə: Dieqo Martins, 86 ("İnter")
Hakimlər: Rauf Cabbarov, Yaşar Abbasov, Nahid Əliyev, Ziya Nəsirov
Qırmızı vərəqə: Dieqo Martins, 86 ("İnter")
Hakimlər: Rauf Cabbarov, Yaşar Abbasov, Nahid Əliyev, Ziya Nəsirov
AFFA nümayəndəsi: Arif Fərəcov
Hakim-inspektor: Vüsal Əliyev
"İnter Arena"
20:00. "Rəvan" – "Qəbələ" - 0:3
Qol: Dodo, 35. Samir Zərgərov, 57. Aleksey Qay, 78
Hakimlər: Elvin Əsgərov, Namiq Hüseynov, Rahil Ramazanov, Mehman Mahmudov
Hakimlər: Elvin Əsgərov, Namiq Hüseynov, Rahil Ramazanov, Mehman Mahmudov
Əlavə köməkçi hakimlər: Rəhim Həsənov, İnqilab Məmmədov
AFFA nümayəndəsi: Rauf Əmirov
Hakim-inspektor: Murad Məmmədov
"Bayıl Arena"
Qeyd edək ki, turun digər oyunları 26-27 sentyabrda keçiriləcək.
