Futbol üzrə Azərbaycan Kubokunun 2015/2016-cı illər mövsümünün püşkatması vaxtı müəyyənləşib. Sportnet.az-ın Peşəkar Futbol Liqasının rəsmi saytına istinadən məlumatına görə, tədbir 7 oktyabr saat 12:00-da AFFA-nın inzibati binasında reallaşacaq.
Püşkatma mərasimində 19 komanda iştirak edəcək. Turnirdə Premyer Liqanın 10, I Divizionun 9 klubu qüvvəsini sınayacaq.
Topaz Premyer Liqasında çıxış edənlər: "Qarabağ”, "İnter”, "Qəbələ”, "Neftçi”, AZAL, "Xəzər Lənkəran”, "Sumqayıt”, "Rəvan”, "Kəpəz”, "Zirə”.
I Divizionda çıxış edənlər: "Bakı”, "Neftçala”, "Qaradağ Lökbatan”, "Turan Tovuz”, "Şahdağ”, "Şəmkir”, "Mil Muğan”, MOİK, "Şərurspor”.
Qeyd edək ki, "Energetik", "Bakılı", "Zaqatala", "Ağsu" və "Göyəzən" ölkə kubokundan imtina edib.
