Bu gün Avropa Liqasının II təsnifat mərhələsində paytaxtın "Neftçi" klubu Sloveniyanın "Koper" komandasını qəbul edir. Sportnet.az-ın məlumatına görə, Böyükağa Hacıyevin rəhbərlik etdiyi komanda rəqibindən fərqli olaraq, turnirin I mərhələsindən azad olub.
"Koper" isə ilk mərhələdə Çernoqoriyanın "Çelik" komandasının qapısından 2 oyuna 9 top keçirsə də, Bakıdakı oyunun aşkar favoriti Azərbaycan Kubokunun sahibidir.
Növbəti mövsümün hazırlıqlarını Türkiyə və Avstriyada keçirən "ağ-qaralar" haqda birmənalı fikir irəli sürmək olmur. Ukrayna flaqmanı Kiyevin "Dinamo" klubu ilə göğrüşdə 2:2 hesablı bərabərliyə qalmaq, paytaxt təmsilçisi barədə nikbin fikir irəli sürməyə əsas verirsə, Rumıniya "Botoşani"sindən alınan 0:3 hesablı məğlubiyyəti heç cür təmsilçimizin aktivinə yazmaq olmaz. Doğrudur, həmin qarşılaşmada ölkə Kubokunun qalibi əsasən gənclərə güvənib və yoxlama oyunlarının nəticələrinə əsasən konkret fikir irəli sürmək doğru olmaz.
Eyni zamanda ötən il Albaniya "Skenderbeu"suna 2 oyunun nəticəsinə görə məğlub olan "Neftçi" avrokubok imici barədə də düşünməlidir. Çünki 2012-2013 mövsümündə Avropa Liqasının qrup mərhələsinə düşməklə "əbədi məhəbbət" statusu qazanmaq olmaz.
17 iyul
Avropa Liqası
II təsnifat mərhələsi, ilk oyun
"Neftçi" (Azərbaycan) - "Koper" (Sloveniya) - 1:2
Qollar: Araz Abdullayev, 45+1 - Qoran Qaleşiç, 24. Matey Palçiç, 41
"Neftçi": 30. Saşa Stamenkoviç, 2. Karlos Kardozo, 5. Elvin Yunuszadə. 16. Bruno Bertuççi, 27. Məqsəd İsayev, 7. Araz Abdullayev, 9. Flavinyo (kap.), 10. Culius Vobay, 15. Erik Ramos, 18. Kaue, 90. Ernest Nfor
Ehtiyat oyunçular: 1. Emil Balayev, 19. Mirhüseyn Seyidov, 25. Cavid İmamverdiyev, 95. Elvin Bədəlov, 21. Samir Məsimov, 23. Ruslan Qurbanov, 28. Emin Mehtiyev
Baş məşqçi: Böyükağa Hacıyev
"Koper": 25. Bojidar Radoşeviç, 5. Miha Blajiç, 7. İvitsa Quberats (kap.), 16. Denis Haliloviç, 27. Damir Haciç, 11. Peritsa İveciç, 20. Domen Çrniqoy, 29. Matey Palçiç, 33. Miroslav Çovilo, 14. Qoran Qaleşiç, 30. Yaka Ştromayer
Baş məşqçi: Rodolfo Vanoli
Baş hakim: Denis Şerbakov (Belarus)
Bakı şəhəri, "Bakcell Arena".
Salam. "Neftçi" - "Koper" matçından mətn yayımına başlayırıq.
Baş hakim Denis Şerbakovun start fiti və matç başladı.
1`. Rəqib komandanın hücumu təhlükəsiz alındı.
3`. Erik Ramosla Qoran Qaleşiç arasında kiçik mübahisə yaşandı, lakin hakim məsələnin böyüməsinə icazə vermədi.
7`. Məqsəd İsayevin rəqibin cərimə meydançasına ötürməsini müdafiəçilər uzaqlaşdırır.
10`. Qoran Qaleşiçin Nfora qarşı kobudluğu ikincinin zədələnməsi ilə nəticələndi və həkimlər meydana daxil oldu.
16`. Kauenin rəqib qapısına zərbəsi qapının yanından keçdi.
20`. Bertuççinin cərimə zərbəsindən qapıya birbaşa zərbəsini Radoşeviç dəf etdi.
24`. QOL. "Neftçi" komandasının qapısından topu 14 nömrəli futbolçu Qoran Qaleşiç keçirdi.
29`. "Neftçi" hesabı bərabərləşdirməyə çalışır.
31`. Araz Abdullayev yerdə qalsa da, oyun davam etdi.
38`. Tərəflər risk etmir və oyun əsasən meydanın mərkəzində gedir.
41`. QOL. Matey Palçiç komandasının ikinci qoluna imza atdı.
44`. İlk hissənin əsas vaxtına 2 dəqiqə əlavə olundu.
45+1`.QOOOOOOOOOLLLLLLLLLL. Araz ABdullayevin rəqibin cərimə meydançası kənarından zərbəsi və top tora qovuşdu.
45`. Baş hakim ilk hissənin bitdiyini bildirir.
İkincisi hissə başladı
46`. Bertuççinin qapı üzərinə asması rəqib üçün təhlükəli alınsa da, top qapının üstündən keçdi.
52`. Meydanda toqquşma baş verir. Buna "Neftçi"nin futbolçusu Erik Ramosa qarşı kobudluq səbəb olur. Referi Karlos Kardozo ilə Quberatsa sarı vərəqə göstərir.
54`. Flavinyo Qolaşiçin ayağına zərbəsi baş hakim tərəfindən sarı vərəqə ilə cəzalandırılır.
57` Kaue meydanı tərk edir, Mirhüseyn Seyidov meydana girir.
60`. Vobayın rəqibin cərimə meydanına asmasını qapıçı tutur.
65`."Koper"in heyətində dəyişiklik: Ştromayeri 49 nömrəli futbolçu Matey Puçko əvəzlədi.
67. Haliloviç Nfora qarşı kobud oyuna görə sarı vərəqə ilə cəzalandırıldı.
72`. "Neftçi"də əvəzetmə: Nfor Ruslan Qurbanovla əvəzlənir. Azarkeşlər Nforu meydandan çıxarkən fitə basır. Hücumçu bu əvəzetmədən narazı qaldı.
77`. Böyükağa Hacıyev sonuncu əvəzetmədən istifadə edir. Samir Məsimov Araz Abdullayevi əvəzləyir.
81`. Samir Məsimovun zərbəsi və top qapının üstündən keçir.
83`. "Koper"in heyətində dəyişiklik: 10 nömrəli Mitya Lotriç 14 nömrəli Qoran Qaleşiçi əvəzlədi.
85`. "Neftçi" hesabı bərabərləşdirsə də, oyundan kənar vəziyyət olduğu üçün qol qeydə alınmadı.
87`. Azarkeşlər istefa tələb edir.
88`. "Neftçi" təzyiqi artırır.
90` Ramos Puçkoya qarşı kobudluğa görə sarı vərəqə alır.
90`. Oyunun əsas vaxtına 5 dəqiqə əlavə edilir.
92`. Bertuççinin qapıya güclü zərbəsini qapıçı dəf edir.
95`. Baş hakim oyunun bitdiyini bildirən fiti çaldı və "Neftçi" ilk oyunda 1:2 hesabı ilə məğlub oldu.
