"AZAL-la oyunda 1 xal qazanmadıq, 2 xal itirdik". Sportnet.az-ın məlumatına görə, bunu "Araz Naxçıvan"ın baş məşqçisi Əsgər Abdullayev deyib.
Təcrübəli mütəxəssis Topaz Premyer Liqasının VIII tur matçında keçmiş komandası AZAL-la oyundan 2:2 hesablı heç-heçə ilə ayrılan komandasından narazı qaldığını bildirib: "Çünki tapşırıqlarımı yerinə yetirə bilmədilər. Amma Romal Hüseynovu David Janelidze ilə taktiki dəyişiklik istəyilə əvəzlədim. Həmin vaxt geridə idik və mən hücumda tək olan Bəxtiyar Soltanova dəstək verən ikinci hücumçudan istifadə etdim".
Abdullayev qarşıda "Araz Naxçıvan"ı daha çətin oyunların gözlədiyini və həmin qarşılaşmalarda daha uğurlu nəticələr göstərmələrinin vacibliyini dilə gətirib.
"Xəzər Lənkəran"la püşkdə yenə düşməyimiz bir qismətdir.
