"Xəzər Lənkəran" klubunuun yeni baş məşqçisi rəsmən müəyyənləşib. Sportnet.az-ın klub saytına istinadən məlumatına görə, bu posta Oğuz Çətin təyin olunub.
Ötən ilin dekabrından etibarən Mustafa Dənizlinin köməkçisi vəzifəsində çalışan Çətin, çempionatın son 4 turunun oyunlarına komandanı baş məşqçi əvəzi qismində çıxarıb.
Cənub təmsilçisinin mətbuat katibi Hüseyn Cəbrayıloğlundan aldığımız məlumata görə, Çətin məşqçi olaraq klubla 1,5 illik müqavilə bağlamışdır. Dekabrda imzalanmış anlaşmanın sona çatmasına hələ 1 il var: "Həmin müqaviləni əsas götürərək, türkiyəli mütəxəssisin yeni vəzifədə anlaşma müddəti növbəti mövsümü əhatə edir".
Türkiyəli mütəxəssisin köməkçiləri ilə bağlı sualımıza isə, Cəbrayıloğlu bu cür cavab verdi: "Bu barədə hələ konkret bir söz deyə bilmirəm. Çünki Oğuz bəy qərarını açıqlamayıb. Elə hansı futbolçularla yolu davam edəcəyimiz, kimlərlə vidalaşacağımıza dair suala da cavab vermək iqtidarında deyiləm. Yaxın günlərdə baş məşqçimiz bütün bu suallara aydınlıq gətirəcək".
Cənub təmsilçisinin mətbuat katibi Hüseyn Cəbrayıloğlundan aldığımız məlumata görə, Çətin məşqçi olaraq klubla 1,5 illik müqavilə bağlamışdır. Dekabrda imzalanmış anlaşmanın sona çatmasına hələ 1 il var: "Həmin müqaviləni əsas götürərək, türkiyəli mütəxəssisin yeni vəzifədə anlaşma müddəti növbəti mövsümü əhatə edir".
Türkiyəli mütəxəssisin köməkçiləri ilə bağlı sualımıza isə, Cəbrayıloğlu bu cür cavab verdi: "Bu barədə hələ konkret bir söz deyə bilmirəm. Çünki Oğuz bəy qərarını açıqlamayıb. Elə hansı futbolçularla yolu davam edəcəyimiz, kimlərlə vidalaşacağımıza dair suala da cavab vermək iqtidarında deyiləm. Yaxın günlərdə baş məşqçimiz bütün bu suallara aydınlıq gətirəcək".
Qeyd edək ki, "Fənəbbağça", "Ərciyyəsspor", "Gənclərbirliyi" və "Diyarbakırspor" klublarını çalışdırmış Oğuz Çətin 5 il müddətində Türkiyə milli komandasının məşqçilər korpusunda yer alıb. Onun "Xəzər Lənkəran"a gəlişindən öncə işlədiyi son klub "Boluspor" olub.
