"Xəzər Lənkəran"ın daha bir sabiq futbolçusu Türkiyə I Liqasında mübarizə aparan "Samsunspor"a keçib. Sportnet.az-ın məlumatına görə, bu, Qalin İvanovdur.
Bolqarıstanlı yarımmüdafiəçi ilə 1,5 illik müqavilə bağlayıb. Ötən ilin yayında "Xəzər Lənkəran"ı tərk edən Etame Mbilla da "Samsunspor"da çıxış edir. İvanov bu kluba keçərkən, məhz Mbilla ilə məsləhətləşdiyini bildirib. O, bir müddətdir "Samsunspor"u izlədiyini də vurğulayıb: "Bura uğur qazanmaq üçün gəlmişəm. Yeni komandamın Super Liqaya vəsiqə qazanması üçün əlimdən gələni edəcəyəm".
Qeyd edək ki, "Samsunspor" Türkiyə I Liqasında 18 turdan sonra 26 xalla 7-ci pillədə qərarlaşıb.
