Kiprin AEL klubu "Qəbələ"nin baş məşqçi postuna təyin olunacağı gözlənilən İvaylo Petevlə yeni müqavilə bağlayıb. Sportnet.az-ın AEL-in saytına istinadən məlumatına görə, 38 yaşlı mütəxəssislə 2016-cı il mayın 30-dək müqavilə bağlanılıb.
Klub prezidenti Andreas Sofokleus Petevin qarşısına Çempionlar Liqasında mərhələ adlamaq və yeni futbolçular yetişdirmək tapşırığı qoyub. Komandanın yeni mövsümə hazırlıq planlarına isə yaxın günlərdə aydınlıq gələcək.
Qeyd edək ki, "Qəbələ" rəhbərliyi İvaylo Petevlə bütün məsələlərdə razılığa gəlindiyini və bolqarıstanlı mütəxəssisin bu gecə Bakıya gələcəyini açıqlayıb. Hətta Petevin iyunun 12-də təqdimat mərasiminin keçiriləcəyi vurğulanıb.
