"Sumqayıtda oynamaq həmişə çətin olur. Bu gün də çətinliklə üzləşdik. Buna baxmayaraq, futbolçular sona qədər döyüşdülər". Sportnet.az-ın məlumatına görə, bunu "Neftçi”nin baş məşqçisi Arif Əsədov "Sumqayıt"ı səfərdə 1:0 hesabı ilə yendikləri Topaz Premyer Liqasının XXIV tur matçından sonra deyib.
Qələbə qazandıqları üçün sevincini gizlətməyən Əsədov ardıcıl bir neçə oyunu süni meydanlarda keçirməyin ağır olduğunu bildirib: "Lakin gec də olsa, qol vurduq. Biz öz oyunlarımızı oynamalı və mübarizə aparmalıyıq".
Baş məşqçi Ernest Nforu meydana buraxmamasının səbəbini də açıqlayıb: "Nforun zədəsi var. Futbolçu sabahdan etibarən məşqlərə başlayacaq. Hazırda "Neftçi”də rəqabət mövcuddur. Futbolçuların hər birinə şans vermək niyyətindəyik”.
