"Qəbələ" klubunun futbolçusu Ruslan Abışovun komandadan ayrılmaq istəməsinin səbəbi müəyyənləşib. Sportnet.az-ın məlumatına görə, təcrübəli müdafiəçi "Neftçi"dən aldığı təklifi müsbət cavablandırmaq niyyətindədir.
Abışov "qırmızı-qaralar"ın rəhbərliyi ilə görüşərək, ailə qurmaq istədiyini və bu halda Bakı komandasında çıxış etməsinin daha münasib olduğunu bildirib.
Amma hələlik yekun qərar verilməyib. "Qəbələ" rəhbərliyi Azərbaycan Premyer Liqası yekunlaşdıqdan sonra onunla danışıqlar masası arxasına oturmaq niyyətindədir.
Qeyd edək ki, Ruslan Abışov "Qəbələ"yə ötən ilin yayında Rusiya "Rubin"indən keçib.
O, 2006 - 2012-ci illərdə də "Neftçi"nin şərəfini qoruyub.
