Qadın voleybolçulardan ibarət Azərbaycan çempionatının qalibi müəyyənləşib.
Sportnet.az-ın məlumatına görə, Bakı İdman Sarayında baş tutan final matçında "Azərreyl" və "Abşeron" kollektivləri üz-üzə gəlib.
Qarşılıqlı hücumlar şəraitində keçən matçda ilk set 25:13 "Azərreyl"in xeyrinə başa çatıb. Ardınca "Abşeron" ikinci seti 25:15 öndə tamamlayıb. Lakin növbəti iki ardıcıl setdə 25:21 hesablı qələbə qazanan "Azərreyl" 3:1-lik nəticə ilə Azərbaycan çempionu olub.
Qeyd edək ki, dünən kişi voleybolçuların final qarşılaşmasında “Azərreyl” kollektivi “Murov Az Terminal”a 3:2 hesabı ilə qalib gəlib.
