Türkiyənin Kartepe bölgəsində təlim-məşq toplanışını davam etdirən "Sumqayıt" Türkmənistanın "Altın Asır" klubu ilə qarşılaşıb. Sportnet.az-ın məlumatına görə, qarşılaşma 3:3 hesabı ilə başa çatıb.
Aqil Məmmədovun komandasından qolları Məhəmməd Qurbanov və Tərzin Cahangirov vurub. Qurbanov bu oyunda dubl edib.
Qeyd edək ki, "Sumqayıt" Kartepede keçirilən ilk yoxlama oyununda "Perspolis"ə 2:3 hesabı ilə məğlub olub. Özbəkistan "Bunyodkor"u ilə qarşılaşan "Gənclik şəhəri" təmsilçisi bu görüşdə isə sülh bağlayıb - 2:2.
