Ölkəmizi Avropa Liqasının qrupunda təmsil edən "Qarabağ” heyətini yeni futbolçu ilə gücləndirib. Sportnet.az-ın Rekord.az-a istinadən verdiyi məlumata görə, Ağdam klubu İtaliya B Seriyasında çıxış edən "Livorna”nın hücumçusu İnnosent Emeqara ilə razılıq əldə edib.
Transferlə bağlı Sportnet.az-a açıqlama verən Ağdam klubunun meneceri Asif Əsgərov nigeriyalı futbolçu ilə danışıqlar apardıqlarını təsdiqləyib. Klub rəsmisinin sözlərinə görə, baş məşqçi Qurban Qurbanovun da istəyinə uyğun olaraq, məsələni müsbət yöndə həll etmək fikrindədirlər.
Qeyd edək ki, Nigeriya millisinə də dəvət alan Emeqara İtaliya çempionatının A Seriyasında da 47 oyunda meydançaya çıxıb və 11 qola imza atıb.
