Topaz Premyer Liqasında yaranan fasilədən istifadə edən "Bakı” futbol klubu təlim-məşq toplanışına başlayıb. Sportnet.az-ın məlumatına görə, paytaxtın eyniadlı təmsilçisi paytaxtın "Qorqud Palace” otelində məsgunlaşıb.
Toplanış iki mərhələdən ibarətdir. Oktyabrın 12-dək davam edəcək birinci mərhələdə futbolçular gündə iki dəfə məşq edəcəklər. Bu gün isə saat 16:00-da İsmət Qayıbov adına Bakıxanov qəsəbə stadionunda İbrahim Uzuncanın yetirmələri "Neftçi” ilə yoldaşlıq görüşündə qüvvəsini sınayacaq.
Toplanış iki mərhələdən ibarətdir. Oktyabrın 12-dək davam edəcək birinci mərhələdə futbolçular gündə iki dəfə məşq edəcəklər. Bu gün isə saat 16:00-da İsmət Qayıbov adına Bakıxanov qəsəbə stadionunda İbrahim Uzuncanın yetirmələri "Neftçi” ilə yoldaşlıq görüşündə qüvvəsini sınayacaq.
Oyundan sonra bir günlük istirahətin ardından təlim-məşq toplanışının ikinci mərhələsi start götürəcək. Oktyabrın 18-dək davam edəcək hazırlıq müddətində daha bir yoldaşlıq görüşünün keçirilməsi planlaşdırılır. Təlimlərin ardından komanda Premyer Liqanın VIII turunun oyununu keçirmək üçün Lənkərana səfər edəcək.
