Noyabrdan Bakının "İnter” klubunda komandanın idman direktorunun da vəzifələrini əhatə edəcək idman məsələləri üzrə yeni rəhbər şəxs fəaliyyətə başlayacaq. Sportnet.az-ın məlumatına görə, bu barədə klubun yaydığı bəyanatda bildirilir.
Rəsmi açıqlamada deyilir ki, komandanın inzibati heyətindən ayrılacaq şəxslərin adları həmin yeni rəhbər şəxsin kadr siyasətinin istiqamətlərindən asılı olacaq: "Klubumuz yeniliklərə açıq olması ilə həmişə fərqlənib. "İnter”in inzibati strukturunda aparılacaq istənilən dəyişikliklər klubun ümumi inkişaf strategiyasındakı müəyyən dəyişikliklərlə bağlıdır. Xüsusilə vurğulamaq istəyirik ki, klubun inkişaf məsələləri daim diqqət mərkəzindədir və inkişafa töhvə verəcək istənilən əməkdaşlarla bundan sonra da işləməyə razı olacağıq".
