Azərbaycan Premyer Liqasında mübarizə aparan "Qəbələ" klubunun qış hazırlıq planı məlum olub. Klubun meneceri Səbuhi Səfiyarlının verdiyi məlumata görə, komanda üzvləri yanvarın 5-də bir araya gələrək Türkiyənin Antalya bölgəsinə yollanacaqlar.
Bələk qəsəbəsindəki təlim-məşq oplanışı iki hissədən ibarət olacaq. İlk toplanış yanvarın 17-dək davam edəcək. 2 günlük istirahətdən sonra məşqlər yenidən bərpa olunacaq. Hazırlıq planının ikinci hissəsi 19 - 29 yanvarı əhatə edəcək. Komanda üzvləri "Gloria" otelində məskunlaşacaqlar.
Qeyd edək ki, dekabrın 18-də ukraynalı Roman Qriqorçuk "Qəbələ" komandasına baş məşqçi təyin olunub (Report.az).
