"İlk növbədə "Qarabağ”ı qələbə münasibəti ilə təbrik edirəm. Ardıcıl 3 oyundur ki, məğlub oluruq. Çətindir". Sportnet.az-ın məlumatına görə, bunu AZAL-ın baş məşqçisi Tərlan Əhmədov "Qarabağ"a 1:2 hesabı ilə yenildikləri Topaz Premyer Liqasının XXIX tur matçından sonra deyib.
Əhmədov heyətdə problemlərin olduğunu bildirib: "Oyunçu problemimiz var. Viktor İqbekoyi və Aleksandr Şemonayev zədəlidir. Buna baxmayaraq, komanda nəsə etmək istəyirdi. Amma yenə də uduzduq".
Baş məşqçinin fikrincə, 4-cü yer artıq AZAL üçün əlçatmazdır. Lakin o, bütün çətinliklərə baxmayaraq, mübarizə aparmağın gərəkliyini vurğulayıb.
