"Neftçi"nin Müşahidə Şurasının üzvü Bəhram Bağırzadə yenidən azarkeşlərlə görüşəcək. Sportnet.az-ın məlumatına görə, "Bakcell Arena"da keçiriləcək tədbir aprelin 17-də "Qəbələ" ilə oyundan öncə təşkil olunacaq.
Görüş zamanı azarkeşlərə matçın biletləri, klubun şərf və bayraqları hədiyyə olunacaq. Tədbir oyundan əvvəl, saat 18:30-dan etibarən "Bakcell Arena"nın qarşısında baş tutacaq. Matç isə saat 20:00-da start götürəcək.
Qeyd edək ki, Bəhram Bağırzadə analoji aksiyanı daha öncə "İnter"lə Azərbaycan Kubokunun ilk yarımfinal matçı ərəfəsində "28 Mall" Ticarət Mərkəzində keçirib.
