"Qarabağ" - "Sumqayıt" matçından sonra tribunadan yıxılan azarkeşin kimliyi dəqiqləşib. Sportnet.az-ın məlumatına görə, bu, Cavad Salahlı yox, Orxan Salahdır.
Onun daban sümüyünün sındığı müəyyənləşib. Gənc azarkeş, ayağına gips qoyulduqdan sonra xəstəxanadan evinə buraxılıb.
------------------------------------------------------------------------------------------------------------------------------
23:03. "Qarabağ" - "Sumqayıt" matçından sonra bədbəxt olay
Azərbaycan Premyer Liqasının XXXIV turunda "Qarabağ" və "Sumqayıt" komandaları arasında keçirilmiş oyundan sonra "Bakcell Arena"da bədbəxt hadisə baş verib. Sportnet.az-ın "futbolpress.az"a istinadən məlumatına görə, Ağdam klubunun azarkeşlərinin yer aldığı sektorda çempionluğu bayram edən azarkeş Cavad Salahlı tribunadan yıxılıb.
Yaralı fanat təcili tibbi Yardım maşını ilə xəstəxanaya çatdırılıb. Onun ayağının sındığı bildirilir.
