Rusiya milli komandasının baş məşqçisi Fabio Kapello 2014-cü il dünya çempionatı üçün ilkin heyəti açıqlayıb. Sportnet.az-ın məlumatına görə, siyahıda 30 futbolçu yer alıb.
Onların arasında əslən azərbaycanlı yarımmüdafiəçi Aleksandr Səmədov da var. Moskva "Lokomotiv"inin oyunçusu 24 nəfərdən ibarət əsas siyahıya daxil edilib. 5 oyunçu ehtiyatda qaldığı halda, İspaniya "Sevilya"sından Denis Çerışev sadəcə, məşq etməyə çağırılıb.
Qeyd edək ki, 23 futbolçudan ibarət yekun siyahı iyunun 2-də FİFA-ya göndəriləcək. Dünya çempionatı isə iyunun 12-dən iyulun 13-dək davam edəcək.
