Cennifer Lopez DÇ-2014-ün açılış mərasimində çıxış edəcək. Sportnet.az-ın FİFA-nın saytına istinadən məlumatına görə, amerikalı müğənni dünya çempionatının rəsmi mahnısını ifa edəcək.
O, San-Pauluda Braziliya–Xorvatiya matçından öncə səhnəyə çıxacaq və bu mahnını amerika-kubalı reper Pitbull və braziliyalı Klaudia Leytte ilə birgə səsləndirəcək. Üçlük "Biz birik” (We Are One) mahnısı ilə çıxış edəcək.
Qeyd edək ki, bir müddət öncə Lopezin bu tədbirdə iştirakdan imtina etməsi barədə xəbər yayılsa da, o, haqqındakı məlumatları təkzib edib.
