Azərbaycan Autizm Assosiasiyası Gənclər və İdman Nazirliyinin dəstəyi ilə təşkil olunacaq II Autizm Festivalı çərçivəsində daha bir yarış keçirib.
Assosiasiyadan Sportnet.az-a verilən məlumata görə, bu dəfə autizmli uşaqlar velosiped idmanı üzrə bacarıqlarını nümayiş etdiriblər.
3 yaş qrupu üzrə baş tutan yarışa 50-ə yaxın iştirakçı qatılıb.
6-9 yaş qrupunda
1. Məhəmməd Əsgərov
2. Amin Şirinov
3. Amin Əlizadə
9-13 yaş qrupunda
1. Polad Məmmədli
2. Murad Şirinov
3. Elmir Şirinov
13 yaş üzəri
1. Rza Bayramov
2. Hüseynəli Rəhimov
3. Nihat Bədəlov
Qeyd edək ki, daha əvvəl autizmli uşaqlar bocce və stolüstü tennis idmanı üzrə mübarizə aparıblar. Növbəti günlərdə isə atletika və futbol yarışları keçiriləcək.
II Autizm Festivalı aprelin 28-də gerçəkləşəcək. Festival çərçivəsində keçirilən tədbirlərin məqsədi autizm barədə cəmiyyəti məlumatlandırmaq, autizmin xəstəlik yox, fərqlilik olduğu mesajını insanlara ötürməkdir.
