Serbiyalı qapıçı Saşa Stamenkoviç "Neftçi" klubunu tərk edib. Bu barədə onun yaxın dostu olan "Simurq"un qolkiperi Amil Ağacanov öz "Facebook" səhifəsində yazıb.
O, S.Stamenkoviçi xanımı Silviya ilə birgə yola saldığını açıqlayıb.
Qeyd edək ki, Saşa Stamenkoviç "Neftçi"də 2011-ci ildən forma geyinirdi. 30 yaşlı qapıçı "ağ-qaralar"ın heyətində 2 dəfə Azərbaycan çempionu və eyni sayda ölkə kubokunun qalibi olub.
