Aprelin 25–də Almaniyanın paytaxtı Berlində cüdo üzrə yeniyetmələr arasında Avropa Kuboku start götürəcək.
Sportnet.az xəbər verir ki, Avropa Cüdo Birliyinin təşkilatçılığı ilə reallaşacaq yarışda Azərbaycan 16 çəki dərəcəsində 39 cüdoçu ilə təmsil olunacaq.
Oğlanların mübarizəsinə Nihad Ağayev (50 kq), Rza Xəlilli, Fərid Xudiyev, İbrahim Talıbov (hamısı 55 kq), Mehman Əsgərov, Mikayıl Qocayev (hər ikisi 60 kq), Sənan Piriyev, İlkin Qarayev, Elgün Səfərov (hamısı 66 kq), Sadiq Məmmədov, Kənan Rəhimov, Yusuf Nəzər (hamısı 73 kq), Yaqub Məmmədov, Polad Həsənli, Amin Mehdiyev, Ayxan Həsənli (hamısı 81 kq), Ömər Axundov, Nurəddin Əliyev (hər ikisi 90 kq), Tamerlan Əliyev, Ruslan Kazımov (hər ikisi +90 kq) qatılacaq.
Sunay Salamova, Zəhra Quliyeva (40 kq), Nigar Heydərzadə, Pərvin Sevxanlı (hər ikisi 40 kq), Fatimə Abdullayeva (hamısı 44 kq), Səkinə Zeynalova, Könül Eyvazlı (hər ikisi 48 kq), Tövsiyyə Babayeva, Nərmin Ağamirzəzadə (hər ikisi 52 kq), Gülnaz Məmmədtağıyeva, Səma Vəlizadə, Yağmur Əhmədzadə, Səmayə Yusifli (hamısı 57 kq), Nəzakət Vəliyeva, Türkan Məmmədli, Zilan Hüseynli (hamısı 63 kq), Rəna Əhmədova, Məsumə Məmmədli (hər ikisi 70 kq) və Zemfira Əliyeva (+70 kq) qızların yarışında çıxış edəcək.
Yeniyetmə oğlanlardan ibarət yığma baş məşqçi Emin İskəndərov və məşqçi Nicat Şıxəlizadə, yeniyetmə qızlardan ibarət yığma isə baş məşqçi Elnur İsmayılov və məşqçi Əmrah Əhmədovun rəhbərliyi altında çıxış edəcək.
İki gün davam edəcək turnirdə 36 ölkədən 774 idmançı (472 oğlan, 302 qız) mübarizə aparacaq. Yarışın ədalət təmsilçiləri arasında Azərbaycan Cüdo Federasiyasının hakimlər heyətinin üzvləri, “B” kateqoriyalı beynəlxalq dərəcəli hakimlər – Mehman İmamquliyev və Pərviz Hüseynov da yer alacaq.
