Bolqarıstanın paytaxtı Sofiyada boks üzrə qadınlar arasında "Balkan Cup" turnirinə yekun vurulub. Sportnet.az-ın məlumatına görə, yarışda Azərbaycan təmsilçisi Yelena Vıstropova qızıl medal qazanıb.
69 kq çəki dərəcəsində yer alan 2012-ci il London Yay Olimpiya Oyunlarının iştirakçısı yarımfinalda kanadalı, finalda isə ispaniyalı rəqiblərini məğlub edib.
Qeyd edək ki, turnirdə İngiltərə, Fransa, İtaliya, Ukrayna, Bolqarıstan, Vyetnam, Kanada, Avstraliya, Yaponiya, Mərakeş, Əlcəzair kimi ölkələrin təmsilçiləri mübarizə aparıb.
