Azərbaycan karateçiləri aprelin 8-də Dubayda start götürəcək növbəti Karate1 Premyer Liqa turnirində iştirak edəcəklər. Sportnet.az-ın məlumatına görə, ayın 10-dək davam edəcək yarışa Azərbaycan Milli Karate Federasiyasının prezidenti Yaşar Bəşirovun rəhbərliyi ilə Birləşmş Ərəb Əmirliklərində "Al-Ahli Dubai Open"ə 11 nəfərlik heyət yollanıb.
Kumite yarışlarında Firdovsi Fərzəliyev (-60 kq), Niyazi Əliyev (67 kq), Rafael Ağayaev (-75 kq), Ayxan Mamayev (-84 kq), Şahin Atamov, Orxan Heydərli (+84 kq), İlahə Qasımova (-55 kq) və İrina Zaretska (- 68 kq) mübarizə aparacaq. Kata çıxışlarına isə Roman Heydərli ilə Rafiq Əmirov qatılacaq. Onlardan başqa bu yarışda ilk dəfə fiziki qüsurlu idmançı Sahib Əhədov tatamiyə çıxacaq.
Qeyd edək ki, "Al-Ahli Dubai Open" həmçinin milli komandanın mayın əvvəlində Fransada 51-ci Avropa çempionatı qabağı son sınaq yarışıdır.
