Rusiyanın Kazan şəhərində keçirilən Avropa çempionatında Azərbaycanın cüdo millisi ümumi komanda hesabında 4-cü yeri tutub. Sportnet.az-ın məlumatına görə, Peter Zayzenbaxerin rəhbərlik etdiyi yığma bu nailiyyətə 46 ölkə arasında imza atıb.
Komanda üzvlərindən Rüstəm Orucov (73 kq) qızıl, Orxan Səfərov (60 kq) gümüş medal qazanıb. Elmar Qasımov (100 kq) 5-ci, İlqar Müşkiyev (60 kq) 7-ci yeri tutub.
Millimiz müvafiq göstəricilərdə Fransa (5, 1, 1, 3, 1), Gürcüstan (2, 3, 2, 1, 0) və Hollandiyadan (1, 1, 2, 2, 4) geri qalıb.
Yalnız kişilərin mübarizəsində isə 3-cü olan komandamızı Gürcüstanla (2, 2, 2, 1, 0) Fransa (2, 0, 0, 1, 0) üstələyib.
