Qazaxıstanın Almatı şəhərində keçirilən Qran Pridə Azərbaycanın daha 2 cüdoçusu mübarizəni dayandırıb. Sportnet.az-ın məlumatına görə, 73 kq-da Vüqar Bayramov ispaniyalı Kiyoşi Uematsuya uduzub.
Eyni çəkidə çıxış edən Fəqan Quluzadə ilk olaraq polşalı Damian Şarnovieçkini yensə də, Özbəkistan idmançısı Qiyosyon Boboyevlə bacarmayıb.
Bu gün döşək üzərində çıxan Əbdülhəqq Rəsullu və Ceyhun Babakişiyev (hər ikisi 81 kq) də məğlubiyyətlə üzləşib.
Qeyd edək ki, yarışın ilk günündə qadın cüdoçu Aişə Qurbanlı (48 kq), kişilərdə isə Sadiq Məhərrəmov, Vüqar Şirinli (hər ikisi 60 kq), Tərlan Kərimov və İskəndər Talışınski (66 kq) məğlubiyyətlə üzləşib.
