Boks üzrə Avropa çempionu Denis Yankin avtomobil qəzası zamanı dünyasını dəyişib. Sportnet.az-ın məlumatına görə, Kemerovski vilayətinin Çuqunaş - Şereqeş yolunun 16-cı km-də baş verən qəzada boksçu ilə yanaşı daha iki nəfər ölüb.
Şereqeş qəsəbəsinin adminstrasiyası D.Yankinin öldüyünü təsdiqləyib.
Yerli polis qəzanın sürücünün avtomobilin idarəetməsini itirməsi nəticəsində baş verdiyini açıqlayıb. Bildirilib ki, "Lada Granta" markalı avtomobil əks hərəkət zolağına çıxaraq qarşıdan gələn yük maşını ilə toqquşub. Nəticədə sürücü, 35 və 37 yaşında iki sərnişin dünyasını dəyişib.
