Rusiyanın Krasnoyarsk şəhərində sərbəst güləş üzrə İvan Yarıgin Qran Prisi keçirilir. Azərbaycan Güləş Federasiyasından Sportnet.az-a verilən məlumata görə, sayca 28-ci dəfə keçirilən beynəlxalq turnirin qadın güləşi yarışlarında ölkəni Elis Manolova (69 kq) təmsil edir.
İlk görüşündə ABŞ təmsilçisi Tamira Mensaha uduzan E.Manolova rəqibin finala yüksəlməsi ilə təsəlliverici görüşə haqq qazanıb. Monoqlustan idmançısı Tsetseqbayar Byambadorju məğlub edən güləşçimiz bürünc medal uğrunda mübarizə aparacaq.
Həlledici görüşdə Azərbaycan güləşçisi Rusiya təmsilçisi Xanım Vəliyeva ilə qarşılaşacaq. İlk yarış gününün final görüşləri yerli vaxtla saat 19:00-da başlayacaq.
