Bu gün Türkiyənin Antalya şəhərində cüdo üzrə Qran Pri yarışı start götürüb.
Sportnet.az-ın məlumatına görə, 100 min dollar mükafat fonduna malik turnirin ilk günündə Azərbaycan milli komandandasının 7 üzvü mübarizə aparıb. Onlardan yalnız biri mükafatçılar sırasına düşməyi bacarıb. 52 kq çəki dərəcəsində yer alan Nəzakət Əzizova bürünc medala sahib olub.
Kişilərin yarışında bir çəki dərəcəsində 2, qadınlarda isə üç çəki dərəcəsində 5 cüdoçu qüvvəsini sınayıb.
Onlarda Vüqar Şirinli (66 kq), Gültac Məmmədəliyeva (48 kq), Nərgiz Hacıyeva və Leyla Şahin (hər ikisi 57 kq) ilk görüşdə uduzaraq, mübarizəni dayandırıblar. 1/16 finalda Petar Zadroya (Bosniya və Herseqovina) qalib gələn İlkin Babazadə (66 kq) isə növbəti rəqibi Denis Vieru (Moldova) ilə bacarmayıb.
İki qadın cüdoçu Aişə Qurbanlı (48 kq) və Nəzakət Əzizova (52 kq) isə bürünc medal uğrunda görüşə vəsiqə qazanıblar.
1/8 finalda Çen Qiaoya (Çin) qalib gələn A.Qurbanlı növbəti rəqibinə - Noa Minskerə (İsrail) uduzub. Təsəlliverici görüşdə Fyolla Kelmendini (Kosova) məğlub edən Azərbaycan idmançısı bürünc medal uğrunda Sabina Gilyazovaya (Rusiya) uduzaraq, 5-ci yerlə kifayətlənib.
N.Əzizova isə 3 türkiyəli rəqibini məyus edərək, medal qazanıb. 1/8 finalda İrem Korkmazı üstələyən cüdoçu növbəti görüşdə israilli idmançıya - Qili Koenə yenilib. Təsəlliverici görüşdə Damla Çalışkandan güclü olan Azərbaycan idmançısı bürünc medal uğrunda görüşdə Merve Taşı da yenib.
Qeyd edək ki, Azərbaycan yığması 3 gün davam edəcək Qran Priyə 13 cüdoçu ilə qatılıb.
Kişilər
66 kq
1/8 final. Deniz Vieru (Moldova) - İlkin Babazadə
1/16 final. İlkin Babazadə - Petar Zadro (Bosniya və Herseqovina)
1/6 final. Sərdar Nurillayev (Özbəkistan) - Vüqar Şirinli
Qadınlar
48 kq
1/8 final. Maria Siderot (Portuqaliya) - Gültac Məmmədəliyeva
Bürünc medal uğrunda görüş. Aişə Qurbanlı - Sabina Gilyazova (Rusiya)
Təsəlliverici görüş. Fyolla Kelmendi (Kosova) - Aişə Qurbanlı
1/4 final. Noa Minsker (İsrail) - Aişə Qurbanlı
1/8 final. Aişə Qurbanlı - Çen Qiao (Çin)
52 kq
Bürünc medal uğrunda görüş. Nəzakət Əzizova - Merve Taş (Türkiyə)
Təsəlliverici görüş. Nəzakət Əzizova - Damla Çalışkan (Türkiyə)
1/4 final. Qili Koen (İsrail) - Nəzakət Əzizova
1/8 final. İrem Korkmaz (Türkiyə) - Nəzakət Əzizova
57 kq
1/8 final. Sənubər Sultanova (Özbəkistan) - Nərgiz Hacıyeva
1/8 final. Aigul Kutsenko (Rusiya) - Leyla Şahin
