Litvanın Klaypeda şəhərində hərbçilər arasında keçirilən güləş üzrə 32-ci dünya çempionatında Azərbaycan milli komandası daha bir medal qazanıb.
Sportnet.az-ın məlumatına görə, 59 kq çəki dərəcəsində yer alan Murad Məmmədov bürünc medala sahib olub. O, həlledici qarşılaşmada ABŞ təmsilçisi İldar Hafizovu yenib - 9:0.
Sənan Əlimirzəyev (71 kq) və Kərim Cəfərov (66 kq) bürünc medal uğrunda görüşdə uduzaraq çempionatı 5-ci sırada tamamlayıb. Həsən Əliyev (75 kq) məşqdə zədələndiyinə görə yarışlarda iştirak edə bilməyib.
Qeyd edək ki, hərbçilərin güləş üzrə 32-ci dünya çempionatında 22 ölkədən 320-yə yaxın idmançı iştirak edir.
