İsveçin Klippan şəhərində qadın güləşi üzrə açıq beynəlxalq turnir start götürüb.
Sportnet.az xəbər verir ki, turnir qadın güləşçilərin reytinq xallarının hesablanacağı ilk yarışdır. Azərbaycan milli komandasının lideri Mariya Stadnik turnirdə iştirak edir. Onun ilk rəqibi Rumıniya təmsilçisi Emilia Alina Vuc olacaq.
Güləşçimiz 50 kq çəkidə yarışır.
Qeyd edək ki, 2018-ci ilin təqvim planında nəzərdə tutulan Avropa və dünya çempionatları ilə yanaşı, hər bir güləş növündə seçilmiş 4 turnirin nəticəsinə əsasən reytinq xalları hesablanacaq. Reytinq yarışlarında iştirakçıların sayı və güləşçilərin qazandığı nəticələr üzrə xallar toplanaraq sıralamanı müəyyənləşdirəcək.
