İtaliyanın paytaxtı Romada güləş üzrə gənclərin Avropa çempionatı davam edir.
Sportnet.az-ın məlumatına görə, çempionatın dördüncü günündə gənc qızlardan ibarət Azərbaycan yığmasının 2 üzvü mübarizə aparıb. Onlardan biri gümüş medal əldə edib.
53 kq-da mübarizə aparan Tatyana Varantsova İtaliya və Ukraynadan olan rəqiblərini məğlub edərək yarımfinala yüksəlib. Final yolunda onun rəqibi Rumıniya idmançısı olub. Rəqibinə tam üstünlüklə qalib gələn Varantsova finala çıxıb. Həlledici görüşdə Türkiyə idmançısına uduzan güləşçi gümüş medalla kifayətlənib.
