Azərbaycan cüdoçusu Hidayət Heydərov Macarıstanın paytaxtı Budapeştdə keçirilən dünya çempionatında bürünc medal görüşünə çıxıb.
Sportnet.az-ın məlumatına görə, 73 kq çəki dərəcəsində rəqib yaponiyalı dördqat dünya çempionu Soiçi Haşimoto olub. Qarşılaşmadan məğlubiyyətlə ayrılan Heydərov çempionatı 5-ci pillədə başa vurub.
Qeyd edək ki, daha əvvəl Kəramət Hüseynov (60 kq) bürünc medal qazanıb, Orxan Səfərov (66 kq) isə 5-ci yeri tutub.
-----------------------------------
Azərbaycan cüdoçusu Hidayət Heydərov Macarıstanın paytaxtı Budapeştdə keçirilən dünya çempionatında təsəlliverici görüşə çıxıb.
Spornet.az-ın məlumatına görə, 73 kq çəki dərəcəsində mübarizə aparan idmançı Macarıstan təmsilçisi Mikloş Ungvari ilə üz-üzə gəlib. Rəqibinə qalib gələn Heydərov bürünc medal uğrunda görüşə vəsiqə qazanıb.
Ardıcıl olaraq Ayton Siquir (Mozambik), Yakub Jeçminek (Çexiya) və Covanni Espozitonu (İtaliya) mübarizədən kənarlaşdıran cüdoçu Bilal Çiloğluya (Türkiyə) uduzub.
Eyni çəkidəki Nurlan Osmanov 1/32 final mərhələsində Tommi Masias (İsveç) ilə dueldən məğlub ayrılıb.
Qeyd edək ki, daha əvvəl Kəramət Hüseynov (60 kq) bürünc medal qazanıb, Orxan Səfərov (66 kq) isə 5-ci yeri tutub. Hazırda Azərbaycan ümumi hesabda 7-cidir.
-----------------------------------------------
Bu gün Azərbaycanın daha 2 cüdoçusu Macarıstanın paytaxtı Budapeştdə keçirilən dünya çempionatında mübarizəyə qoşulacaq.
Sportnet.az-ın məlumatına görə, onların hamısı kişilərin yarışında çıxış edəcək.
73 kq çəki dərəcəsindəki Hidayət Heydərov 1/32 finalda mozambikli Ayton Siquirlə, Nurlan Osmanov isveçli Tommi Masiasla üz-üzə gələcək.
Qeyd edək ki, daha əvvəl Kəramət Hüseynov (60 kq) bürünc medal qazanıb, Orxan Səfərov (66 kq) isə 5-ci yeri tutub. Hazırda Azərbaycan ümumi hesabda 7-cidir.
Dünya çempionatı
73 kq
1/32 final. Nurlan Osmanov - Tommi Masias (İsveç)
1/32 final Hidayət Heydərov - Ayton Siquir (Mozambik)
1/16 final. Hidayət Heydərov - Yakub Jecminek (Çexiya)
1/8 final. Hidayət Heydərov - Giovanni Esposito (İtaliya)
1/4 final. Hidayət Heydərov - Bilal Çiloğlu (Türkiyə)
Təsəlliverici görüş. Hidayət Heydərov - Miklos Ungvari
Bürünc medal uğrunda görüş: Hidayət Heydərov - Soiçi Haşimoto (Yaponiya)
