MMA üzrə peşəkar idmançı, dünya çempionu Vüsal Bayramov onun rəsmlərini çəkən gənc qız Nigar Hacıyeva ilə evlənəcək. Sportnet.az-ın məlumatına görə, bu haqda çempion özü məlumat verib.
O, bildirib ki, Nigarın çəkdiyi şəkilləri görəndə qızın ona hədsiz sevgi ilə yanaşdığını anlayıb. Uzun illər çempionun karyerasını izləyən gənc rəssam Vüsalın 1000-dən artıq rəsmini çəkib. Ən maraqlı fakt isə ondan ibarətdir ki, Nigar Hacıyeva heç bir rəssamlıq məktəbinə getmədən qrafik üslubda qəliz fotoportretlər yarada bilir:
"Qəribəsi budur ki, o, heç məndə olmayan fotoşəkillər əsasında rəsmimi çəkib və inanılmaz oxşarlıq yaradıb. Bu qızı görənə qədər ümumiyyətlə ailə haqqında düşünmürdüm, yalnız Nigar mənim həyatıma bir sevinc gətirdi. Bütün otaq onun mənə hədiyyə etdiyi rəsmlərdən ibarətdir”, - dünya çempionu deyib. (Axar.az)
