Cüdoçularımız Avropa çempionatının komanda yarışlarında iştirak edəcək.
Sportnet.az xəbər verir ki, 30 iyunda Bolqarıstanın paytaxtı Sofiya şəhərində keçirilən yeniyetmələr arasında Avropa çempionatında komanda yarışları start götürür.
Çempionatda 17 ölkə medallar uğrunda mübarizə aparır. Azərbaycan komanda yarışlarında 11 idmançı ilə təmsil olunur. Azərbaycan cüdoçularının ilk rəqibləri Niderland yığması olacaq.
Oğlanlarda -60 kq. çəkidə Fərid Qarayev və Nihad Rəhimov, -81 kq. çəkidə Mehdi Abbasov çəkidə Əli Qazıməmmədov, +90 kq. çəkidə Eyvazlı Hüseyn və Sübhan Axundov, qızlarda isə -48 kq. çəkidə Diana Eldarova və Nuranə Hacızadə, -63 kq. çəkidə Aytən Verdiyeva və Vüsalə Hacıyeva, +63 kq. çəkidə Mələk Bayramlı güclərini sınayacaq.
İlkin görüşlər saat 11:30-da başlayacaq. Yarışı canlı olaraq judotv.com saytında izləyə bilərsiniz.
