"Bakı 2015" I Avropa Oyunlarının məşəli Alov Qüllələrində olub. Sportnet.az-ın məlumatına görə, məşəli alpinist Renat Rəhimxanov daşıyıb. O, məşəli binanın damından kanatla enərək düşürüb.
Oyunlar zamanı bu binada "Bakı 2015"in tədbir və konfransları keçiriləcək. Günün ikinci yarısında isə məşəl Qoşa Qala qapısına aparılacaq.
Qeyd edək ki, aprelin 26-dan Azərbaycanın bütün bölgələrinə səyahət edən məşəl iyunun 7-də paytaxt Bakıya gətirilib. Məşəli Bakıda "Sadko" limanında Prezident İlham Əliyev təhvil alıb və digər məşəl daşıyanlara ötürüb. ("Report")
