Türkiyə Futbol Federasiyasının İntizam Komitəsi “Fənərbağça”nın baş məşqçsi Joze Mourinyonu 3 oyunluq cəzalandırıb.
Sportnet.az xəbər verir ki, portuqaliyalı mütəxəssis Türkiyə Kubokunun 1/4 finalında “Qalatasaray”la oyundan sonra rəqib həmkarı Okan Burukun burnundan yapışdığına görə diskvalifikasiya olunub.
İntizam Komitəsi Burukun “Fənər”in baş məşqçisini təxribata çəkdiyini əldə əsas tutaraq, Mourinyoya ağır cəza verməyib.
Qeyd edək ki, qalmaqalla başa çatan oyunda “Qalatasaray” 2:1 hesabı ilə qalib gələrək, yarımfinala yüksəlib.
