AFFA-nın Hakimlər Departamentinin rəhbəri Ömər Paşayev UEFA Hakimlərin İnkişafı Proqramının (CORE) təlimatçısı kimi Gürcüstanda işgüzar səfərdə olub.
Sportnet.az xəbər verir ki, Paşayev yerli çempionatın “Dinamo Tbilisi” – “Telavi” matçında iştirak edib və gürcü hakimlər Koba Revazaşvili və Giorgi Qoqoxiyanı müşahidə edib.
Paşayev Revazaşvili və Qoqoxiyanın martın 25-dən aprelin 1-dək isveçrədəki CORE kursu zamanı mentoru olub.
UEFA-nın təşəbbüsünün bir hissəsi olaraq kursu bitirmiş hakimlər daxili liqa matçları zamanı onların inkişaf potensialını qiymətləndirmək üçün təlimatçılar tərəfindən müşahidə edilir.
Qeyd edək ki, Ömər Paşayev Gürcüstanda CORE proqramında təlimatçı həmkarı Siril Qrequarla birlikdə olub.
