Ağdamın
"Qarabağ" klubu Avstriyada təşkil olunan təlim-məşq toplanışı çərçivəsində
bu gün ilk yoxlama görüşünü keçirəcək. Sportnet.az-ın məlumatına görə,
Azərbaycan çempionunun rəqibi Ukrayna "Şaxtyor”u olacaq.
Matç Bakı vaxtı ilə saat
19:00-da başlanacaq. Sportnet.az "Qarabağ”
– "Şaxtyor” qarşılaşmasından onlayn-reportaj təqdim edəcək.
19:00. "Qarabağ" (Azərbaycan) - "Şaxtyor" (Ukrayna) - 0:2
Qollar: Ferreyra, 59; 67
Start heyətlər
"Qarabağ": 13. Şehiç, 25. Ansi Aqolli, 24. Admir Teli (k), 55. Bədavi Hüseynov, 5. Maksim Medvedyev, 2. Qara .Qarayev, 20. Riçard Almeyda, 70. Çumbinyo, 41. Leroy Corc, 11. Danilo Dias, 9. Reynaldo Silva
Ehtiyat oyunçular: 1. Fərhad Vəliyev, 3. Bilal Abbaszadə, 4. Tərlan Quliyev, 18. İlqar Qurbanov, 10. Muarem Muarem, 21. Tural Rzayev, 23. Tural İskəndərov, 77. Cavid Tağıyev, 17. Vüqar Nadirov, 7. Namiq Yusifov, 22. Toğrul Bilalli
"Şaxtyor": 12. Xudjamov, 91. Butko, 5. Kuçer, 44. Rakitski, 95. Sobol, 6. Stepanenko, 24. Qreçişkin, 77. İlsinyo, 50. Bolbat, 21. Qladkiy, 9. Luis Adriano (k)
Ehtiyat oyunçular: 32. Kanibolotyski, 4. Volovik, 13. Şevçuk, 14. Kobin, 38. Krivtsov, 18. Ordets, 3. Xyubşman, 19. Ferreyra, 37. Şinder
1` Oyun başladı.
10`Hələ ki kəşfiyyat xarakterli oyun davam edir, bir qədər "Şaxtyor"un üstünlüyü hiss olunur.
12`Reynaldo qapıçı ilə qarşı-qarşıya qaldı, amma zərbəsini qapıçı asanlıqla dəf etdi.
26`Qarşılıqlı hücumlar şəraitində maçt davam edir,hələ ki qol yoxdur.
28`Ansi Aqoli topu cərimə meydançasına tərəf göndərdi, amma "Şaxtyor"un müdafiəçiləri Reynaldoya mane oldu.
31`Riçard Almeydanın ötürməsindən sonra Danilo Dias oyundankənar vəziyyətə düşdü.
32`Leroy Corc cərimə zərbəsindən topu qapının üzərindən vurdu.
36`"Şaxtyor" hesabda önə keçə bilərdi, amma cərimə zərbəsindən ötürülən topu Luis Adriano qapıya göndərə bilmədi.
38` Luis Adriano fəallığı sayəsində topu özündə bir qədər saxladı, amma sonda ötürməsi dəqiq olmadı.
40`İlk yarıda son 4 dəqiqə "Şaxtyor"un üstünlüyü ilə keçib, aramsız hücumlara baxmayaraq, "Qarabağ"ın müdafiə xətti inamlı oyun sərgiləyib.
43`Rakitskinin cərimə meydanına doğru ötürməsini Stepanenko qapıya göndərə bilmədi
45`İlk hissə başa çatdı,hesab açılmayıb.
46`İkinci hissə başladı.
50`Ferreyranın ötürməsini İbrahim Sehiç qarşıladı və təhlükə sovuşdu.
54`Vüqar Nadirov fəallığı ilə seçilir, amma topa nəzarəti itirməklə hücumunu yarıda qoydu.
59` Hesab açıldı. "Qarabağ"ın müdafiəsindəki kobud səhv nəticəsində Ferreyranın zərbəsi dəqiq oldu. "Qarabağ" - "Şaxtyor" - 0:1.
60`İkinci hissədə Fərhad Vəliyev, Tərlan Quliyev, Cavid Tağıyev, Tural İsgəndərov, Tural Rzayev, Vüqar Nadirov, Hacı Əhmədov, Namiq Yusifov, Muarem Muarem və İlqar Qurbanov oyuna buraxıldı.
65`Ferreyra sürətli keçidi ilə "Qarabağ"ın cərimə meydançasına yaxınlaşdı, amma ötürməsi qeyri-dəqiq oldu, İlqar Qurbanov topu ələ keçirərək yeni hücuma başladı.
67`Künc zərbəsindən ötürülən topu Ferreyra başla qapıya göndərdi. "Qarabağ" - "Şaxtyor" - 0:2.
70`Luis Adriano topu "Qarabağ"ın qapısından keçirdi, amma yan xətt hakimi oyundankənar vəziyyət qeydə alaraq, qolu hesaba almadı.
73`"Şaxtyor" klubu künc zərbəsindən ev tapşırığı yerinə yetirdi, amma uğurlu sonluq olmadı.
İkinci hissədə "Qarabağ" 2-ci heyət ilə mübarizə aparır.
76`Fərhad Vəliyev inamlı oyunu ilə komandasını 3-cü qoldan xilas etdi.
78`Ferreyra özünün və komandasının 3-cü qolunu vura bilərdi, amma zərbəsi qeyri-dəqiq oldu.
83`Künc zərbəsindən verilən ötürməni Şinder qapının üstündən vurdu.
88`Şevçukun cərimə zərbəsindən ötürməsini Şinder qəbul etdi, amma zərbəsi qeyri dəqiq oldu.
90`Oyun başa çatdı, ikinci hissədə gənc futbolçularla oynayan "Qarabağ" "Şaxtyor"a məğlub oldu - 0:2.
