“Arsenal”ın sol cinah müdafiəçisi Aleksandr Zinçenko İngiltərənin “Fulhem” klubuna keçə bilər.
Sportnet.az xəbər verir ki, bu barədə “Give me Sport” portalı məlumat yayıb.
Məlumata görə, londonlular Zinçenkoya yaxından maraq göstərirlər. Futbolçunun təcrübəsi, o cümlədən Çempionlar Liqasının oyunlarında iştirakı “Fulhem”i cəlb edir. Tərəflər arasında danışıqların iyun ayından davam etdiyi vurğulanır.
“Arsenal”ın 28 yaşlı ukraynalının transferinə açıq olduğu və onu 17,3 milyon avroya satmağa hazırlaşdığı bildirilir.
“Milan”ın da Zinçenko ilə maraqlandığı haqda məlumatlar var. İtaliya klubu "Əl-Hilal"a transfer olunan Teo Hernandesin yerinə yeni sol cinah müdafiəçisi axtarır.
Qeyd edək ki, Zinçenko 2022-ci ilin yayından "Arsenal"da çıxış edir.
